வளைகாப்பு, சீமந்தம் Print E-mail
Sunday, 23 July 2017 13:59

பிரம்மஸ்ரீ சேஷாத்திரிநாத சாஸ்திரிகள் கூறுகிறார்:--

''இரண்டாவது குழந்தை பெற்றெடுக்கும் வேளையில் வளைகாப்பு, சீமந்தம் நடத்த வேண்டிய அவசியமில்லை. சீமந்தம் என்பது முதல் குழந்தைக்காக மட்டுமே நடத்தப்படுவ தில்லை. பிற்பாடு உதிரத்தில் உருவாகும் அத்தனை குழந்தைகளுக்கும் சேர்த்துத்தான் சீமந்தம் நடைபெறுகிறது. குழந்தை உருவாகும் இடத்தின் தூய்மையை நிலைநாட்டுவதற்கு முன்னுரிமை அளிக்கிறது சீமந்தம்.,

 

ஒருவேளை, சீமந்தம் நடைபெறாமலேயே முதல் குழந்தை பிறந்தாலும், பிறந்த குழந்தையை மடியில் வைத்துச் சீமந்தத்தை நடைமுறைப்படுத்திய பிறகே, அந்தக் குழந்தைக்கு ஜாதகர்மம் நடக்கும். அப்படியொரு நிபந்தனையை சாஸ்திரம் வகுத்திருக்கிறது. முதல் குழந்தைக்கு, பிறந்த பிறகும் சீமந்தம் நடைமுறைப்படுத்த வேண்டும் என்ற கட்டாயம் இருப்பதால், 2-வது குழந்தைக்கு ‘சீமந்தம்’ என்ற கேள்வியே எழும்பாது. வளைகாப்பு ஒரு சம்பிரதாயம். அதை முதல் குழந்தைக்கு மட்டும் கடைப்பிடித்தால் போதும். அதன் பலன், பிறக்கப்போகும் அத்தனை குழந்தைகளுக்கும் கிடைத்துவிடும்.

 

prepared by panchadcharan swaminathasarma

 
சதாபிஷேகம்......................... Print E-mail
Sunday, 23 July 2017 13:58

சதாபிஷேகம் கண்டவர்களை ஆயிரம் பிறை கண்டவர்கள் என்கிறோம். ஆயிரம் பிறை என்பது எப்படிக் கணக்கிடப்படுகிறது?

80 வயது 10 மாதங்களானால், ஆயிரம் பிறையை எட்டிவிடும். 80 வருடத்துக்கு 960 சந்திர தரிசனம். சில வருடங்களில் 13 சந்திர தரிசனம் நிகழும்.

80 வருஷத்தில் 30 சந்திர தரிசனம் அதிகமாக இருக்கும். அதையும் சேர்த்தால் 990 வரும். பத்து மாதங்களில் பத்து சந்திர தரிசனத்தையும் சேர்க்கும்போது ஆயிரம் பிறைகள் நிறைவுபெறும்.

நன்றி- பிரம்மஸ்ரீ செஷதிரிநாத சாஸ்திரிகள்.

 

prepared by panchadcharan swaminathasarma

 
ஆடி மாத சிறப்புகள்; Print E-mail
Sunday, 23 July 2017 13:54

தெரிந்து கொள்வோம் நண்பர்களே:-

ஆடி மாத சிறப்புகள்;

கடக ராசியில் சூரியன் பிரவேசம் செய்வது ஆடி மாதம். ஜோதிட சாஸ்திரத்தில் இதை ‘கர்கடக மாதம்' என்பார்கள். ஆடி மாதத்தில் தான் தட்சிணாயன புண்ணியகாலம் ஆரம்பிக்கிறது. அதாவது சூரியன் வடக்கில் இருந்து தெற்கு நோக்கி தனது பயணத்தை துவக்குகிறது. இந்த காலக்கட்டத்தில் பகல் பொழுது குறைவாகவும், இரவு நேரம் நீண்டும் காணப்படும்.

அந்தந்த கால, பருவ சூழ்நிலைக்கு ஏற்ப திருவிழாக்களையும், உற்சவங்களையும், விரத வழிபாடுகளையும் ஏற்படுத்தி வைத்துள்ளனர். ஆடி மாதத்தில் ஆலயங்களில் பண்டிகைகள், உற்சவங்கள் எல்லாம் ஒவ்வொன்றாக தொடங்குகிறது.

 

இந்த மாதத்தை அம்மன் மாதம் என்றும் அம்பாள் மாதம் என்றும் சிறப்பித்து கூறுவார்கள். ஆடி மாதம் வந்தாலே வீடுகளிலும், கோயில்களிலும் விழாக்களும், விரத வழிபாடுகளும் களை கட்டி விடும். அம்மன், அம்பாள், ஆண்டாள், சக்தி ஸ்தலங்களில் சிறப்பு பூஜைகள், ஹோமங்கள் என்று பக்தி மணம் கமழும்.

ஆடி மாதத்தில் வரும் செவ்வாய், வெள்ளி, ஞாயிற்றுக்கிழமைகள் மிக விசேஷமானவை. ‘ஆடி செவ்வாய் தேடிக் குளி' என்பது பழமொழி. அதாவது விரதம் இருந்து எண்ணெய் தேய்த்து குளித்து அம்பாளை வழிபட பெண்களின் மாங்கல்ய பலம் கூடும் என்பது ஐதீகம்.

 

prepared by panchadcharan swaminathasarma

 
மகோற்சவம்:-- Print E-mail
Sunday, 23 July 2017 13:56

தெரிந்து கொள்வோம் நண்பர்களே:-

மகோற்சவம்:--

மகோற்சவம் என்பது பல தத்துவமான கருத்துக்களைத் தெளிவுபடுத்துவதாயுள்ளது. நல்லஞானத்தையும் போக மோட்சத்தையும் ஆன்மாக்களுக்குத் அளிப்பது மகோற்சவம் ஆகும். உற்சவ ஆரம்பம் கொடியேற்றம் வரையான கிரியைகள் படைத்தலையும், வாகனத்திருவிழா காத்தலையும் இரதோற்சவம் அழித்தலையும், மௌன உற்சவம் மறைத்தலையும், தீர்த்தஉற்றசவம் அருளலையும் குறிப்பதாக நடாத்தப்படுகின்றது.

 

இப்படியான ஆலய உற்சவங்களில் பங்குபற்றுபவர்கள், வழிபடுபவர்களுக்கும் தீட்சை பெறா விட்டாலும் தீட்சை பெற்ற பலன் கிட்டியதாக ஆகமங்கள் உணர்த்துகின்றன. ஆலயங்களில் நடைபெறும் நித்திய பூசையில் உண்டாகும் குற்றங்களையும் நைமித்திய பூசைகள் நீக்குவனவாக உள்ளன. நைமித்திய உற்சவங்களில் சிறந்தது கொடியேற்றம் ஆகும். கொடிமரத்தின் மேல் மூன்று குறுக்குத்தண்டுகள் இச்சாசக்தியாகவும், கிரியாசக்தியாகவும், ஞானாசக்தியாகவும், இரண்டு குறுக்குத்தண்டுகள் சூரியனையும், சந்திரனையும் கொடியேற்றும் கயிறு அனுக்கிரக சக்தியாகவும், கொடி வாயுவாகவும், கொடியிலுள்ள மையப்படம் அவ்வக்கோயில் மூலமூர்த்திகளின் சக்தியையும் குறிக்கும்,

சைவாகமங்களில்- மூன்று பொருட்களான பதி,பசு,பாசம் என்பவற்றில் பசு எவ்வாறு பாசத்தினின்று விலகி இறைவனைப் பற்றிக் கொள்வது என்பதையும் விளக்கி நிற்கின்றது. கொடிமரம் பதியையும், கொடிச்சீலை பசுவையும் தர்பைக் கயிறு பாசத்தையும் குறிக்கின்றது. கொடிக்கம்பத்தில் காணப்படும் முப்பத்திமூன்று கணுக்கள் மானுட சரீரத்திலேயுள்ள முள்ளந்தண்டில் முப்பத்திமூன்று எலும்புக்கோர்வைகளை குறிக்கின்றது.

 

prepared by panchadcharan swaminathasarma

 
ஆடி மாத சிறப்புகள். Print E-mail
Sunday, 23 July 2017 13:51

தெரிந்து கொள்வோம் நண்பர்களே :-

எமக்கு ஆடிப் பிறப்பு என்ன செய்தியைத் தருகிறது?

‘ஆடிப் பட்டம் தேடி விதை’ என்பார்கள்! தையில் அறுவடை செய்யவேண்டும் என்றால், ஆடியில் விதைக்க வேண்டும். பொதுவாகவே ஆடி என்பது மழைக்காலத்தின் துவக்கம். நல்ல விளைச்சலை எதிர்பார்க்கும் விவசாயிகள் இந்தப் பருவத்தில் விதை விதைப்பார்கள். இந்த விதைதான் தையில் அறுவடைக்குத் தயாராகிறது. எனவே, நற்பலனை எதிர்பார்க்கும் எவரும் நற்காரியங்களில் ஈடுபட உகந்த மாதமாக ஆடி விளங்குகிறது.

ஆடி மாதம் எந்தவொரு செயலையும் செய்யக்கூடாது என்பார்கள். அதன் உள்ளர்த்தத்தை நாம் சரிவரப் புரிந்துகொள்ள வேண்டும்.

உலகியல் வாழ்க்கைக்காக உழைக்கும் மக்கள், தம் ஆன்ம ஈடேற்றத்துக்கு வழிகோலும் ஆன்மீக வாழ்க்கைக்கு ஒதுக்கும் நேரம் எப்போதும் குறைவாகவே இருக்கிறது. ஆடி மாதத்தில், ஆடிச் செவ்வாய், ஆடி வெள்ளி, ஆடிப் பூரம், ஆடிவேல், ஆடி அமாவாசை என்று, ஆன்மீகப் பயணத்துக்கு உகந்த பல திருநாட்கள் இருக்கின்றன.

பணத்தின் பின்னாலேயே ஓடும் நம்மை சற்று இழுத்துப் பிடித்து நிறுத்தி, கொஞ்சம் ஆன்மீக வாசனையையும் ஊட்டுவதற்காகவே ஆடியில் எந்தவொன்றையும் ஆரம்பிப்பதில்லை.

ஆனால், இந்த ஒரு மாதமும் நாம் ஆன்மீகத்தின் பால் காட்டும் நாட்டம், தொடரும் நமது தேடல் பயணத்துக்கு மிகுந்த பயனுடையதாக இருக்கும் என்பதை மறந்துவிடக் கூடாது.

எனவே, அறம், பொருள், இன்பம், வீடு பேற்றைத் தேடும் நம் அனைவரது பயணத்துக்கும் ஆடிப் பிறப்பு நல்லதொரு ஆரம்பம் தரும்!

Information collected by panchadcharan swaminathasarma.

 
<< Start < Prev 1 2 3 4 5 6 7 8 9 10 Next > End >>

Page 6 of 39